SVENFHERBERGISGOLF

1.   Hver leikmaður skal vera útbúinn eigin tækjum fyrir leik, venjulega einni kylfu og  tveim
       kúlum.

2.    Aðeins má leika á vellinum með samþykki eiganda holunnar, en halda skal kúlunum utan
       hennar.

3.    Ólíkt utanhúss golfi, er takmarkið að setja kylfuna í holuna, en halda kúlunum utan hennar.

4.    Til þess að fá sem mest út úr leiknum, verður kylfan að vera með sterkt skapt. 
       Vallareigandi hefur heimild til að kanna þykkt skeptis áður en leikur hefst.

5.    Eigandi vallar getur takmarkað lengd kylfu til að holan skemmist ekki.

6.    Takmarkið er að ná eins mörgum baksveiflum og þurfa þykir, eða allt þar til eigandi
        vallarins er ánægður og telur leik lokið.  Takist þetta ekki getur það haft þær afleiðingar
        að ekki verði veitt heimild til að leika aftur á vellinum.

7.    Það þykir óíþróttamannslegt að hefja leik strax og komið er að velli.  Reyndir leikmenn
       byrja á því að dást að vellinum og veita gryfjunum sérstaka athygli.

8.    Leikmenn eru varaðir við því að minnast á aðra velli sem þeir hafa spilað á meðan á leik
       stendur. Æstir vallareigendur hafa eyðilagt útbúnað leikmanna af þeim sökum.

9.    Til öryggis eru leikmenn hvattir til að hafa með sér regnfatnað.

10.   Leikmenn skulu skipuleggja leikinn vel, sérstaklega ef leikið er á velli í fyrsta sinn.
        Fyrrverandi leikmenn hafa orðið ósáttir komist þeir að því að einhver annar leikmaður
        spili á velli sem þeir töldu til einkanota.

11.   Leikmenn skulu ekki gera ráð fyrir að alltaf sé hægt að leika á vellinum.  Leiðir það til
        vandræða ef t.d. tímabundnar viðgerðir fara fram á honum.  Ráðlegt er að spila með
        öðrum aðferðum á slíkum stundum.

12.   Leikmönnum er uppálagt að fá leyfi vallareiganda ætli þeir að spila í bakgarði.

13.   Mælt er með hægum leik, en leikmenn skulu alltaf vera undir það búnir að setja á fulla
        ferð, tímabundið, að ósk vallareiganda.

14.   Það er talinn frábær leikmaður sem spilar sömu holuna nokkrum sinnum í sama leiknum. 

ALDINGARÐURINN EDEN

Dag einn í aldingarðinum Eden heyrðist Eva kalla til Guðs:
"Drottinn minn, það er smá vandamál!"
"Hvað er að Eva mín?"
"Drottinn minn, ég veit að þú skapaðir mig og hefur útvegað mér þennan fallega garð og öll þessi yndislegu dýr, og þennan frábærlega fyndna snák, en ég er bara ekki hamingjusöm".
"Af hverju ertu ekki hamingjusöm Eva?"
"Drottinn minn, ég er einmana.  Og ég er orðin hundleið á eplum".
"Jæja, Eva mín, fyrst svo er þá er ég með lausn á málinu.  Ég skal búa til mann handa þér."
"Hvað er "mann" Drottinn minn?"
"Það er "maður" Eva mín.  Hann verður gölluð lífvera, með marga slæma eiginleika.  Hann mun ljúga, svindla, hann verður hégómlegur, og mun á allan hátt verða þér til vandræða.  En.... hann verður stærri, fljótari og sterkari en þú og honum mun þykja gaman að veiða og drepa fyrir þig. Hann mun líta mjög kjánalega út þegar hann er æstur, en fyrst þú ert að kvarta, þá mun ég skapa hann þannig að hann muni fullnægja ... tja.... já... þínum líkamlegu þörfum.  Hann verður húmorslaus og mun elska að taka þátt í barnalegum hlutum eins og að slást og sparka bolta til og frá. Hann verður ekki mjög greindur svo hann mun þurfa leiðsögn þína til að hugsa skýrt."
"Hljómar vel" sagði Eva og lyfti annarri augabrúninni háðslega.
"Hverju þarf ég svo að fórna?"
"Tja, já, jæja, þú getur fengið hann með einu skilyrði".
"Og hvaða skilyrði er það Drottinn?"
"Eins og ég sagði, hann verður stoltur, hrokafullur og sjálfsánægður....
Svo þú verður að leyfa honum að halda að ég hafi skapað hann fyrst....Þetta verður leyndarmálið okkar...bara tveggja kvenna á milli!"

AMEN

MYNDIR

Tekið frá Óshólavita við Bolungarvík rétt eftir miðnætti

GÁTA

Níutíu og níu stúlkur og einn piltur eru í bekk nokkrum.  Hve margar stúlkur verða að yfirgefa bekkinn til að stúlkurnar verði 98% bekkjarins?

FRÍ

                        Mikið að gera og hef ekki tíma

                       til að sitja og á tölvuskjá skrifa,

                       mun því verða í fríi um tíma

                       og bið ég ykkur vel að lifa.

  

Kveðja til allra bloggvina, reyni að fylgjast með ykkur í sumar eins og ég get, kveðja Halli

    

HOLA Í HÖGGI

Þórhallur prestur vaknar á sunnudagsmorgni og sólin skín. Hann ákveður að í dag ætli hann að segjast vera veikur og hann komist ekki til messu. Svo hann hringir í annan prest, tilkynnir veikindin, nær svo í golfsettið sitt og læðupokast upp á golfvöll í þeirri von að enginn sjái hann. Á vellinum er ekki nokkur maður svo ráðabrugg Þórhalls prests ætlar að ganga upp. Uppi í Himnaríki snýr Lykla-Pétur sér að Guði og spyr: "Guð, ætlarðu að láta vígðan manninn komast upp með þetta?" Guð horfir niður á Þórhall prest þar sem hann slær teighöggið. Kúlan flýgur 420 metra í fallegum boga, skoppar einu sinni á flötinni og rennur svo beina leið ofan í holuna!
Kraftaverkahögg!
Lykla Pétur lýtur skilningsvana á Guð og spyr: ,,Hversvegna í ósköpunum léstu hann fara holu í höggi?"
Drottinn svarar: ,,Hverjum á hann að segja frá þessu?!" 

SVEITIN MÍN

                        Nú fer ég í sveitina sæll og glaður

                       og heimsæki systkini móður og vini,

                       varla er til eins sólríkur staður

                       eins og við þekkjum af okkar kyni.

 

                       Sólin í sveitinni setur nú met

                       hún situr á þriðja tugnum,

                       ég reyni að fang’ hana eins og ég get

                       og dreif’ henni á bloggvina vefnum.

                           

                         Halli

 

MÉR LÍKAR HVERNIG ÞÚ HUGSAR

Jói litli er sá klárasti í bekknum, og er alltaf fyrstur að klára
prófin og spurningarblöðin. Svo að hann hafi nú eitthvað að gera, eftir að hann var fyrstur búinn að svara spurningarblaði kennarans, ákvað kennarinn að spyrja hann aukaspurningar.

"Jói minn, þú ert nú svo klár, að ég ætla að spyrja þig einnar
aukaspurninar. Það eru 5 fuglar á grein, þú ert með byssu og skýtur einn fuglinn, hvað eru þá margir fuglar eftir?"

"Enginn", svarar Jói.

"Hvað meinar þú... enginn?", spyr kennslukonan?

"Já, einn drepst, dettur til jarðar og hinir fljúga í burtu" segir Jói

Kennslukonan kinkar kolli og segir "svarið átti nú að vera 4, en mér líkar hvernig þú hugsar"

Örstuttu seinna réttir Jói litli upp hendi.

"Já Jói"

"Má ég spyrja þig einnar spurningar?"

"Endilega" segir kennslukonan.

"Ókei, 3 konur standa við ísbíl, og allar eru búnar að kaupa sér ís, ein af þeim sleikir ísinn, ein af þeim bítur í ísinn og ein af þeim sýgur ísinn. Hver þeirra er gift?" Spyr Jói

Kennslukonan roðnar og segir, "Eee....ég veit ekki alveg, ætli það sé ekki sú sem sýgur ísinn?....eða eitthvað"

"Neeiiii" segir Jói litli, "það er sú sem er með giftingarhringinn, en mér líkar hvernig þú hugsar"

KVEÐJA

           

                       Fagra snót þú fegurst ert í heimi

                       ég horfi lengi á fallegt andlitið,

                       vinkonurnar sem eru hér á sveimi

                       þær eru duglegar við innlitið.

 

                       Svo koma góður kveðjur frá þeim líka

                       sem gleðja mína innstu hjartarót,

                       ég ekki á svo marga vini slíka

                       kannske við förum öll á stefnumót.

 

 

 

 

 

                         Halli

HEYBINDIVÉL

Gunna: Mikið voru blessuð jólin frábær. Fékk þvílíkt flottar gjafir og frábæran mat. En þú Fjóla mín var ekki allt eins og best var á kosið ??????
  Fjóla: Ja Gunna mín, þetta var nú ekki alveg eins og best hefði verið. Nú klukkurnar hringdu inn jólin og ég var komin í mitt fínasta púss og gargaði á liðið að fá sér að borða. Nú allir ruddust að borðinu og gerðu sér að góðu jólamatinn, nema þegar ég var á fullu sving að fá mér "væna flís af feitum sauð", heyrðist í Palla mínum, "Heyrðu Fjóla mín, viltu ekki fara smá varlega í matinn, þú lítur orðið út eins og heybindivél í vextinum". Ég bara fékk flog, en hélt þó haus og var ekkert að æsa mig. Svo þegar búið var að opna pakkana og allir farnir að lúlla þá vildi nú Palli minn fá sitt !!!!
  Ég snéri mér og horfði fast í augun á honum og sagði; "ELSKU PALLI ÞÚ SKALT NÚ EKKI HALDA AÐ ÉG RÆSI HEILA HEYBINDIVÉL FYRIR EITT LÍTIÐ STRÁ"

ÓNOTAÐ

Ung og falleg kona var á leið heim úr verslunarferð í útlöndum. Hún spurði prestinn sem sat við hliðina á henni í vélinni hvort hann gæti mögulega gert sér greiða.

"Að sjálfsögðu barnið mitt" sagði klerkurinn, "hvað get ég gert fyrir þig?"

"Sko, ég keypti rándýra hárþurrku í útlöndum og ég er hrædd um að ég verði stoppuð í tollinum" sagði konan. "Er nokkur leið að þú farir með hárblásarann í gegnum tollinn. Þú gætir til að mynda geymt hann undir hempunni."

"Ég vil endilega aðstoða þig vina mín, en ég mun hins vegar ekki ljúga fyrir þig" sagði presturinn.

Eftir að vélin var lent og þau komu að tollinum fór presturinn á undan. Tollvörðurinn stöðvaði prestinn og spurði hann hvort hann væri með eitthvað sem gera þyrfti grein fyrir.

"Ég er ekki með neitt slíkt frá mitti og upp úr" sagði presturinn

"Hvað ertu með neðan beltis?" spurði tollvörðurinn.

"Þar er ég með magnað tæki sem er hannað til að gagnast konum, en er enn sem komið ónotað."

NOTAÐUR

Á spítalanum voru ættingjarnir saman komnir á biðstofunni þar sem einn
fjölskyldumeðlimur lá mjög veikur. Loksins kom læknirinn þreytulegur og dapur. "Ég er hræddur um að ég færi ykkur slæm tíðindi" sagði hann og horfði upp á áhyggjufull andlit ættingjanna.
"Eina von ástvinar ykkar er sú að hann fái heilaígræðslu. Þessi aðgerð hefur ekki ennþá verið prófuð til hlítar og er mjög áhættusöm en er jafnframt eina vonin í þessari stöðu. Tryggingarnar greiða allan kostnað af aðgerðinni en þið þurfið að greiða sjálf fyrir heilann".

Ættingjarnir sátu hljóðir og meltu með sér þessar fréttir. Eftir dálítinn tíma spurði einn þeirra. "Hvað kostar heili?" Læknirinn svaraði strax. "Karlmannsheili kostar eina milljón en kvenmannsheili kostar hundrað og fimmtíu þúsund".

Allir ættingjarnir urðu frekar vandræðalegir en karlmennirnir forðuðust að horfast í augu við konurnar. Nokkrir gátu ekki á sér setið og glottu og jafnvel flissuðu. Einn þeirra gat þó ekki hamið forvitni sína og spurði þeirrar spurningar sem alla langaði að spyrja að. "Af hverju er karlmannsheilinn svona mikið dýrari"?Læknirinn brosti umburðarlyndur af einfeldni mannsins og útskýrði þetta fyrir öllum hópnum. "Þetta er bara þetta venjulega verð sem sett er upp, við getum ekki selt kvenmannsheila dýrari en þetta því þeir eru notaðir"!!!

AKRABORGIN

Það var ung og falleg stúlka sem var svo niðurdregin og hrygg að hún ákvað að binda endi á þetta allt og fyrirfara sér með því að stökkva í höfnina. Hún stóð á hafnarbakkanum og þegar hún ætlaði að stökkva kemur til hennar ungur sjómaður og spurði hana hvers vegna hún væri að gráta. Hún sagðist ætla að fyrirfara sér. Honum fannst það synd og sagði við hana að hún hefði mikið að lifa fyrir. Skipið mitt siglir til Ameríku á morgun, ef þú vilt skal ég lauma þér með. Hann færði sig nær stúlkunni og tók utan um hana og hvíslaði að henni,"ef þú verður góð við mig verð ég góður við þig". "Já" sagði stúlkan hverju hef ég að tapa. Um nóttina laumaði hann henni um borð í skipið og faldi hana í einum björgunarbátnum. Hann færði henni annað slagið mat og drykk og í hvert skipti elskuðust þau heitt og innilega. Þrem vikum seinna var skipstjórinn á venjulegri eftirlitsferð og fann hana í björgunarbátnum. Hann spurði hana hvað hún væri að gera þarna. Hún sagði honum eins og var að sjómaðurinn væri að lauma henni til Ameríku en í staðinn svæfi hún hjá honum. Þá sagði skipstjórinn "Þú hefur verið plötuð laglega núna þetta er Akraborgin"          

BLOGGVINKONUR

                    Ásdís hún bloggar svo er hún mjög há

                    Laufey er drottning hún myndast svo vel,

                    Ásthildur hetja og blómin henni hjá

                    Heiðu ég löngum stundum dvel,

                    Ester með vísurnar kíki ég á.

 

                    Anna Karen ei dagurinn dugar þar,

                    Vélstýran er fræðandi og huggulegt par

                    Björg er heillandi og á hún margt svar,

                    Bryndís með þingmannanöfnin kemur

                    Halla hún snjóinn og sólina temur,

                    Jónína langar ræðurnar semur.

 

                    Snæhólm með sögur og fallegar myndir,

                    Helga Vala undir framsókn kyndir

                    Kidda við kosningaúrslitin lyndir,

                    Ólína sig tjáir svo málefnalega

                    Lára hún syngur svo myndarlega,

                    Salvör er skýr og skrifar varlega

                    Vilhelmína með sögu daglega.

 

GAMLA KONAN OG DÆTURNAR ÞRJÁR

 Það var einu sinni kona sem átti þrjár dætur. Í hvert skipti sem einhver af dætrum hennar gifti sig bað mamman þá dótturina sem var að gifta sig í það skiptið að vera fljóta að skrifa heim eftir að hún fluttist að heiman og segja gömlu konunni hvernig kynlífið væri hjá hinni nýgiftu.
Jæja sú elsta gifti sig fyrst og aðeins tveimur dögum seinna barst gömlu konunni bréfið frá dóttur sinni.
Á því stóð aðeins "Myllukökur Myllubrauð".
Gamla konan átti bágt með að skilja þetta en fyrir einhverja rælni tók hún eftir auglýsingu frá Myllunni þegar hún vað að blaða í Dagblaðinu síðar um kvöldið. En þar stóð "Myllukökur Myllubrauð...... ávallt seðjandi".
Gamla konan sá nú að hún þyrfti engar áhyggjur að hafa að elstu dóttur sinni, henni væri vel sinnt.
En þar kom að miðdóttirin gifti sig og leið vika frá brúðkaupinu þar til gömlu konunni barst bréfið frá dóttur sinni. Þar stóð aðeins "Ingvar og Gylfi".
Kella var nú fljót að leita að Dagblöðunum og fann að lokum auglýsingu frá Ingvar og Gylfa þar sem stóða "Nýi rúmgaflinn frá okkur......King size og extra langur".
Vissi nú kella að hún þyrfti heldur engar áhyggjur af hafa af þessari dóttur sinni.
Jæja bréfið frá yngstu dótturinni var lengi á leiðinni en barst loks kellu fjórum vikum eftir brúðkaupið. Í bréfinu stóð aðeins eitt orð "Flugleiðir".
Kella leitaði nú ákaft að auglýsingu frá Flugleiðum í Dagblaðinu og á endanum fann hún eina. En eftir að hafa lesið auglýsinguna leið yfir kerlinguna því þar stóð:
"Þrisvar á dag, sjö daga vikunnar, á alla áfangastaði!!!!!!!!!!               

FRÍ

 

Mun verða í fríi frá bloggi næstu daga vegna flutninga, er þó ekki að fara langt, aðeins á milli húsa hér heima, þakka bloggvinum mínum hvað þeir hafa verið duglegir að kíkja á síðuna hjá mér.

 

kveðja Halli

VÍSA

                       Flest öll mál er hægt að toga og teygja

                       til að láta á sér bera á fundum.

                       Sumir hefðu þurft að læra að þegja

                       þó að ekki væri nema stundum.

 

 

 

 

Þessi vísa er eftir vin minn Hreiðar Karlsson fyrv. kaupfélagsstjóra á Húsavík

ÝTTU NÚ

Á árunum fyrir seinna stríð var Holtavörðuheiði illfær á köflum

og lágu bílar í aurbleytu ef út af bar með veður. Eitt sinn var

vörubílstjóri einn á leið suður og festi hann svo illa bíl sinn á

miðheiðinni að honum tókst ekki með nokkrum ráðum að ná

honum upp.

Rann bílstjóranum þá mjög í skap og hugsaði með sér, að hann

skyldi nú reyna þegnskap heiðardraugsins, sem hann hafði oft

heyrt getið og sagði í fússi: ,,Ýttu nú ef þú ert einhvers nýtur’’.

Brá þá svo við að bíllinn hentist út úr aurnum og ók ökumaður

eftir það suður hindrunarlaust eins og leið lá. Sagði hann þetta vera

í eina sinnið, sem hann hefði leitað fulltingis eilífðarvera, en ekki

dytti sér í hug að neita tilveru þeirra eftir hjálp heiðardraugsins.

 

ALDREI KYSST KARLMANN

"Það er varðandi dóttur mín, hana Döggu, hún er alltaf að fá þessa fíkn í vissar matartegundir, fitnar og er stöðugt með ógleði á morgnana."

Læknirinn skoðar Döggu vandlega og snýr sér svo að móðurinni og segir:

"Ja, ég veit eiginlega ekki hvernig ég á að segja þér þetta, en málið er það að Dagga er ófrísk - ég giska á að hún sé komin 4 mánuði á leið."

"Ófrísk?!" svarar móðirin, "það getur ekki verið. Hún hefur aldrei nokkurn tíma verið skilin ein eftir með karlmanni! Er það nokkuð, Dagga?"

"Nei, mamma," svarar Dagga. "Ég hef ekki einu sinni kysst karlmann!"

Læknirinn gengur út að glugganum og starir rannsakandi út um hann. Það líða nærri fimm mínútur án þess að hann segi nokkuð, svo móðirin spyr:

"Er eitthvað að þarna úti, læknir?"

"Nei, í rauninni ekki," svarar hann. "Bara það að þegar svona nokkuð gerðist síðast þá birtist stjarna í austrinu og þrír vitringar komu yfir hæðina. Það er sko á hreinu að ég ætla ekki að missa af því núna!"

ENGIN UMMÆLI

Bóndi nokkur þótti lítill fyrir sér, en kona hans hið gagnstæða.

Var hún karlmannsígildi til allra verka eigi síður úti en inni.

Samkomulag var gott með hjónunum, enda beygði maðurinn sig

fyrir óskum konu sinnar, þar sem hann fann hve hún var honum

fremri í flestu.

Eitt sinn fór bóndi til að gefa fé sínu á garða, en kom inn að

vörmu spori, og sagði: ,,Komdu nú Guðrún mín og hafðu engin

ummæli, því hrútarnir hafa brotist úr stíunni og eru komnir til

ánna’’.

Kom húsfreyja þá strax og handsamaði hrútana, sem bóndinn

þorði ekki fyrir sitt litla líf að kljást við.

Fyrir kom, að konan gat ekki orða bundist, þegar henni þótti

kjarkleysi bónda síns keyra úr hófi fram, og því mun hann hafa

slegið varnaglann, að hún skyldi engin ummæli hafa. Var það haft

að orðtaki seinna í sveit þeirri, þegar á lá að hafa engin ummæli.