Gullkorn

Datt í hug að setja hér smá gullkorn eftir Þórberg Þórðarson þar sem mér fannst það eiga vel við í okkar þjóðfélagi í dag:

Í þjóðfélagi því sem vér eigum við að búa er hinu meira fórnað fyrir hið minna, sálinni fyrir líkamann, þekkingunni fyrir fáfræðina, vitinu fyrir vitleysuna, gáfunum fyrir heimskuna, kærleikanum fyrir grimmdina, siðferðinu fyrir spillinguna, réttlætinu fyrir ranglætið, mannorðinu fyrir peningana, sannleikanum fyrir lygina, andanum fyrir andleysið, himnaríki fyrir helvíti.

                                                                                                      Þórbergur Þórðarson

Halli

Útsýni

Fór hring í kringum húsið í dag og virti fyrir mér landslagið, fyrst var það Traðarhyrnan sem gnæfir yfir byggðinni síðan Ísafjarðardjúpið með Grænuhlíð og Vébjarnarnúp, Óshlíðin og Óshyrna, Syðridalur þar sem sér í Syðridalsvatn, síðan Ernirinn sem gnæfir yfir Hólskirkju, síðan Tungudalur og Tunguhorn þar sem bærinn Þjóðólfstunga stendur, síðan sér maður upp á Skálavíkurheiði og hringnum lokað, og ef ég væri heima í sveitinni og labbaði í kringum Húsabakka þá væri fyrst að sjá Núpinn, síðan í Skriðuhverfi og Mánafell, síðan yfir fljótið þar sem er Fellshnjúkur og Kinnarfjöll, síðan Aðaldalshraun og hringnum lokað, datt þetta svona í hug að blogga eitthvað í dag því flestum þykir sinn fugl fagur.

Halli

Sigurlaug

Ég ætla bæta nokkrum upplýsingum um Sigurlaugu Guðlaugsdóttir f.1812 sem var langamma Hallgríms í Grímshúsum afa míns eins og ég gat um áður, móðir hennar var Sigríður Þorsteinsdóttir f.2.3.1788 á Stóruvöllum d.20.8.1841 systir hennar var Vilborg kona Jóns Jónssonar bónda í Stórutungu sem ég skrifaði grein um fyrir stuttu, faðir hennar var Guðlaugur Kolbeinsson f.24.4.1790 á Geiteyjarströnd d.23.12.1875 bóndi í Álftagerði í Mývatnssveit 1822-1850, Sigurlaug átti þrettán hálfsystkyni samfeðra og sjö samæðra, átti ekki alsystkyni svo ég viti, meðal hálfsystkyna samfeðra voru Sigurlaug f.1832 sem var gift Sigurði Jónssyni sem var einnig hálfbróðir Sigurlaugar sammæðra sem ég nefndi í fyrri grein, Guðný f.1822 samfeðra húsfreyja á Stöng kona Ásmundar Jónssonar f.1824 sem var hálfbróðir Sigurlaugar sammæðra seinni maður Guðnýjar var Kristján Jónsson f.1831 sem einnig var hálfbróðir Sigurlaugar sammæðra, meðal barna Guðnýjar var Sigríður Ásmundsdóttir f.1851 mamma Konráð Erlendssonar f.1885 kennara á Laugum og Kristjönu Erlendsdóttur f.1889 húsfreyju á Vaði maður hennar var Vésteinn bóndi á Vaði amma Vésteins var Steinunn Jónsdóttir f.1819 og var hún einnig hálfsystir Sigurlaugar sammæðra,  móðir Erlends föður Konráð og Kristjönu var Guðrún Guðlaugsdóttir f.1821 sem einnig var hálfsystir Sigurlaugar samfeðra, Guðfinna f.1830 var einnig hálfsystir Sigurlaugar sammæðra meðal barna hennar var Ásmundur Helgason bóndi í Laugaseli, Guðný Helgadóttir húsfreyja í Holti í Reykjadal og Kristín Helgadóttir húsfreyja Nípá og Miðhvammi, meira síðar.

Halli

Matur

Í kvöld var hjá okkur saltkjöt og baunir nokkrum dögum seinna en venjulega og voru Ingólfur og Eydís Birta hjá okkur í mat og gerðu matnum góð skil a.m.k. Ingólfur, Eydís vildi lítið smakka vildi heldur ís og kók og fara út með ruslið með afa sínum sem gekk ágætlega nema Eydís villtist smá þar sem hún var með húfu af ömmu sinni og rann hún niður fyrir augu og vildi sú litla ekki sleppa ruslapokunum til að laga húfuna og labbaði bara í hringi og galaði á afa sinn um að koma og laga húfuna.

Halli

SIGURLAUG

 

Sigurlaug Guðlaugsdóttir var fædd 1.mars 1812 í Ytrineslöndum í Mývatssveit, dáin 27.des. 1899, hún var húsfreyja á Helluvaði, Flatey á Skjálfanda og víðar, hún var jörðuð í Brettingsstaðakirkjugarði á Flateyjardal 7.jan. 1900. Sigurlaug var fjórgift og átti hún sjö börn, fimm með Jóni Jónssyni f.1807 d.1846 og tvö með Jóhannesi Árnasyni f.1825 d.1848, meðal barna hennar var Sigurður Jónsson f.1833 d.1922 bóndi á Hofsstöðum í Mývatnssveit hann var giftur hálfsystur  Sigurlaugar móður sinnar og hét hún líka Sigurlaug Guðlaugsdóttir f.1833 d.1910 og voru þau hjón t.d. langafi og langamma Jóns Þorlákssonar á Skútustöðum og Helga Ásmundssonar í Laugaseli. Guðni Jónsson f.1837 bóndi í Sýrnesi og Grímshúsum var einnig sonur Sigurlaugar og var hann afi Hallgríms Óla í Grímshúsum. Kristján Jónsson f.1839 bóndi á Hólmavaði var einnig sonur hennar, hann var afi Stjána á Hólmavaði. Eldri dóttir Sigurlaugar hét Sigríður Kristín Jóhannesdóttir f.1847 d.1935 húsfreyja í Skörðum, Kvíslarhóli og Tungugerði, hún meðal annars amma Þórólfs Guðnasonar bónda og hreppstjóra í Lundi í Fnjóskadal og Sigríðar og Fanneyjar Geirsdætra í Hringveri á Tjörnesi, yngri dóttir Sigurlaugar var Jóhanna Jónína Jóhannesdóttir f.1849, hún var meðal annars móðir Sigmars Jóhannessonar bónda á Mógili á Svalbarðsströnd  og langamma Sigrúnar Þorgilsdóttur sem var gift Sigga Lassa.

Þriðji maður Sigurlaugar var Indriði Ólafsson f.1796 d.1860, var bóndi í Garði í Aðaldal áður giftur Hólmfríði Jónasdóttur d.1855 og áttu þau sjö born, fjórði maður Sigurlaugar var Jón Ingjaldsson f.1836 í Reykjavík, bóndi og sjómaður í Krosshúsum í Flatey d.1912 meðal barna hans var Ingjaldur Hermann útvegsbóndi í Flatey sem var giftur Sigurveigu Ólafsdóttur og var Sigurlaug langamma hennar sem verið hafði gift tengdaföður hennar.  Jón Ingjaldsson var einnig faðir Sigurlaugar Maríu f.1900, d.1991 húsfreyju á Brautarhóli á Svalbarðsströnd og Þuríður f.1893, d.1983 húsfreyju í Flatey gift Sigurpáli Jenssyni bónda þar.

Ég ætla bæta nokkrum upplýsingum um Sigurlaugu Guðlaugsdóttir f.1812 sem var langamma Hallgríms í Grímshúsum afa míns eins og ég gat um áður, móðir hennar var Sigríður Þorsteinsdóttir f.2.3.1788 á Stóruvöllum d.20.8.1841 systir hennar var Vilborg kona Jóns Jónssonar bónda í Stórutungu sem ég skrifaði grein um fyrir stuttu, faðir hennar var Guðlaugur Kolbeinsson f.24.4.1790 á Geiteyjarströnd d.23.12.1875 bóndi í Álftagerði í Mývatnssveit 1822-1850, Sigurlaug átti þrettán hálfsystkyni samfeðra og sjö samæðra, átti ekki alsystkyni svo ég viti, meðal hálfsystkyna samfeðra voru Sigurlaug f.1832 sem var gift Sigurði Jónssyni sem var einnig hálfbróðir Sigurlaugar sammæðra sem ég nefndi hér ofar, Guðný f.1822 samfeðra húsfreyja á Stöng kona Ásmundar Jónssonar f.1824 sem var hálfbróðir Sigurlaugar sammæðra seinni maður Guðnýjar var Kristján Jónsson f.1831 sem einnig var hálfbróðir Sigurlaugar sammæðra, meðal barna Guðnýjar var Sigríður Ásmundsdóttir f.1851 mamma Konráð Erlendssonar f.1885 kennara á Laugum og Kristjönu Erlendsdóttur f.1889 húsfreyju á Vaði maður hennar var Vésteinn bóndi á Vaði amma Vésteins var Steinunn Jónsdóttir f.1819 og var hún einnig hálfsystir Sigurlaugar sammæðra,  móðir Erlends föður Konráð og Kristjönu var Guðrún Guðlaugsdóttir f.1821 sem einnig var hálfsystir Sigurlaugar samfeðra, Guðfinna f.1830 var einnig hálfsystir Sigurlaugar sammæðra meðal barna hennar var Ásmundur Helgason bóndi í Laugaseli, Guðný Helgadóttir húsfreyja í Holti í Reykjadal og Kristín Helgadóttir húsfreyja Nípá og Miðhvammi, meira síðar.

Kannske einhver hafi áhuga á þessu sem þekkir eitthvað þarna til, og þá er bara að senda fyrirspurn og reyni ég að greiða úr því, er með tæpa fjórtánhundruð niðja Sigurlaugar skráða hjá mér.

kveðja Halli

 

Brandari

Einn mánuð fram yfir !

Þegar ungur eiginmaður kemur heim eitt kvöldið tekur konan á móti honum með því að hlaupa upp um háls honum og segja; Ástin ég er kominn einn mánuð fram yfir. Ég er viss um að nú er ég ófrísk, heimilislæknirinn okkar sagði að hann gæti ekki fullvissað mig um fyrr en hann fengi niðurstöðu úr rannsókninni á morgun og við skyldum þegja yfir þessu þangað til.

Að morgni næsta dags kom maður frá Orkuveitunni til þess að loka fyrir rafmagnið, þar sem ungu hjónin höfðu ekki greitt síðasta reikning. Hann hringdi dyrabjöllunni og þegar unga frúin kom til dyra sagði hann; "Þú ert kominn mánuð fram yfir". "Hvernig í ósköpunum veist þú það?" spurði unga frúin. "Nú það er allt svona skráð kyrfilega í tölvukerfi Orkuveitunnar" var svarið. "Heyrðu þetta sætti ég mig sko ekki við og ég ætla að tala við manninn minn í kvöld og hann mun örugglega hafa samband við ykkur á morgun" sagði unga frúin og skellti hurðinni.

Þegar eiginmaðurinn kom heim fékk hann að heyra allt um persónunjósnir Orkuveitunnar og hann fór vitanlega öskuvondur á fund Alfreðs Þorsteinssonar morguninn eftir. "Heyrðu Alfreð þetta er nú algjörlega út í hött. Hvað eiginlega í ósköpunum gengur að ykkur, þið eruð með það í skrám ykkar að við séum komin mánuð fram yfir, hvern andskotann kemur ykkur það við?".

"Slakaðu nú á þetta er ekkert mál, borgaðu okkur bara og þá tökum við þetta úr skránni okkar."svaraði Alfreð. "Borga ykkur, ertu ekki í lagi, nú ef ég hafna því hvað þá?" "Nú þá klippum við bara á og tökum þig úr sambandi." "Og hvað á konan mín þá að gera?" "Nú hún verður þá bara að nota kerti." Svaraði Alfreð.

Halli

Bóndi

Jón Jónsson f.20.1.1800, d.7.7.1871, bóndi í Stórutungu í Bárðardal 1822-1871, hann var góður bóndi í fornum stíl og orðlagður fyrir nýtni og sparsemi, á vorum þegar viðir tóku að laufgast, gekk hann út með hníf og skar laufgaða kvisti og bar heim í poka. Sagt er að stundum hefði hann safnað talsverðu fóðri á þennan hátt, áður en aðrir báru ljá í jörð. Jörðinn er svo lýst í hans búskapartíð. Stórutunga talin hingað til 14 hundruð. Túnið er sumt þýft, holótt sumt brennur, líka partur af því eltingarblendin, fóðrar hérumbil eina kú. Útheyskapur það helsta á sandblettum víðsvegar um landið sumpart í þýfismýri.

Jón þessi var meðal annars afi Elínborgar langömmu minnar, afi Guðrúnar Sigurborgar Jónasdóttur húsfreyja í Hraunkoti og Hafralæk, afi Elínar Sigurveigar Jónasdóttur húsfreyju á Sílalæk og einnig afi Kristínar Jakobínu Jónasdóttur húsfreyja á Ófeigsstöðum svo eitthvað sé nefnt.

Þessi mánudagur var ekki frábrugðin öðrum mánudögum hjá mér nema smá mubluflutningar á milli herbergja og tókst það ljómandi vel.

Halli

Ættfræði, breytt

Hef lengi haft áhuga á ættfræði eins og flestir vita og langar mig að koma með eitthvað í því sambandi, t.d. fjölda niðja hjá afa og ömmu systkynum svona til að byrja á einhverju, vantaði niðja Jóns Bergvinssonar f.1886, bæti því við 1.mars. hann átti níu börn og eru niðjar hans orðnir 163.

Anna Indriðadóttir f.1877 á 124 afkomendur, hún átti eina dóttur, Sigrún Ágústa Indriðadóttir f.1878 á 333 afkomendur, hún átti átta börn, Ingólfur Indriðason f.1885 á 194 afkomendur og átti hann átta börn, Eiður Indriðason f.1888 á 150 afkomendur hann átti fjögur börn, Finnur Valdimar Indriðason f.1890 á 194 afkomendur og átti hann níu börn, Matthea Elín Indriðadóttir f.1892 á 60 afkomendur og átti hún tvö börn og Laufey Indriðadóttir f.1895 og var hún barnlaus, síðan eru það systkyni Maríu ömmu, Hólmfríður Guðrún Bergvinsdóttir f.1879 flutti til Danmerkur og átti þar niðja, Karólína Hansína Bergvinsdóttir f.1880 á 77 afkomendur hún átti fimm börn, Jónína Bergvinsdóttir f.1883 á 130 afkomendur hún átti tvö börn, María Bergvinsdóttir f.1888 á 194 afkomendur hún átti átta börn, Rósa Emilía Bergvinsdóttir f.1891 á 63 afkomendur hún átti fimm börn og Hörður Bergvinsson f.1895 barnlaus. þá eru það móðurættin, Hallgrímur Óli Guðmundsson f.1897 á 66 afkomendur hann átti fimm börn er upp komust, Tryggvi Guðmundsson f.1899 á 20 afkomendur hann átti þrjú börn, Jónas Guðmundsson f.1903 á 29 afkomendur hann átti þrjú börn og Axel Guðmundsson f.1905 á 15 afkomendur hann átti þrjú börn, síðan eru það Þorbjörg Árnadóttir f.1898 á 28 afkomendur hún átti fimm börn og Kristjana Árnadóttir f.1907 á 66 afkomendur hún átti fimm börn, kannske er þetta ekki alveg fullkomið gæti vantað einhver börn þá nýlega fædd, vona að einhverjir hafi áhuga á þessu því þetta er aðeins byrjunin.

kveðja Halli

 

Ættfræði

hef nú fengið mér bloggsíðu og get nú bloggað um ættfræði við fjölskyldu og frændfólk sem vantar einhverjar upplýsingur um sínar ættir, hægt er að fara í gestabókina og spyrja þar sem fólki vanhagar að vita og reyni ég að svara því eftir bestu getu, sennilega vita fáir af þessu en vona að þetta fréttist, Sigurbjorg dóttir mín var fyrst til að vita um þetta og kann hún örugglega að auglýsa þetta fyrir fjölskyldunni.

kveðja Halli