VORNÓTT Í AÐALDAL

Fallegt ljóð eftir Jón Baldvinsson f.1878, d.1951 rafveitustjóra á Húsavík, Jón var sonur Baldvins Sigurðssonar bónda og grasalæknis í Garði í Aðaldal, og konu hans Guðnýjar Jónsdóttur, og Jón því uppalinn í Garði í Aðaldal, fannst þetta ljóð eiga vel við, þar sem ég hef búið í rúm tuttugu og átta ár fjarri æskustöðvum í Aðaldal.

                                                                                                     

                                                  Nú líður vorið víði inn,

                                                  af vindum borið í dalinn minn,

                                                  þar björkin grætur í blíðum frið

                                                  við bjartar nætur og vatnanið.

 

                                                   En fuglakliður um flúð og hyl

                                                   og fossaniðir og strengjaspil,

                                                   það eru ljóðin, sem lékst þú mér,

                                                   er lá ég hljóður í faðmi þér.

 

                                                   Þú geymir ennþá mín æskuspor.

                                                   Þótt yfir fenni, það kemur vor.

                                                   Þá blika sundin, en blómið skín,

                                                   sem byrgðist undir hið hvíta lín

                                                   við hóla grundir og hraunin mín.

                                                   Til hinstu stundar ég minnist þín.

 

                                                            Jón Baldvinsson rafveitustjóri á Húsavík

   

Athugasemdir

[Aðalheiður Þórisdóttir, 23.5.2008 kl. 19:06]

[alva (IP-tala skráð) 23.5.2008 kl. 22:45]

já, fallegt.

[Ásdís Sigurðardóttir, 26.5.2008 kl. 20:18]

Var hann ekki pabbi Bubba á Húsavík?? lítill kall sem átt líka voða litla systir sem var kölluð Mimmí?  bara að forvitnast.  Kveðjur vestur og ljóðið er virkilega fallegt.

[Hallgrímur Óli Helgason, 26.5.2008 kl. 20:57]

Ég held að það passi Ásdís, að Bubbi hafi verið bókavörður og málari á Húsavík, og Mimmí hafi unnið í fataversluninni í KÞ.