CHELSEA

Þetta á eftir að fara illa með Chelsea, það var ekkert að þessum þjálfara, var að gera góða hluti með sitt lið, búinn að vinna nokkra titla á stuttum tíma, það er ekki alltaf hægt að vinna stundum taparðu, og ráða svo þjálfara frá Ísrael til að ná betri árangri, hvaða reynslu hefur þessi nýji þjálfari af evrópuknattspyrnunni,  ég bara spyr?

Verður flótti frá Chelsea?

BOLUNGARVÍK

Gott að allt fór vel og enginn slasaðist, Eydís Birta afastelpa ætlaði í nýju rennibrautina í sundlauginni í dag með ömmu sinni en varð að fresta því í bili vegna brunans, kom þess í stað í heimsókn og tókst að stjórna afa sínum og ömmu svolítið.

Talsverðar skemmdir vegna elds í íþróttahúsinu á Bolungarvík

MYND

Dóttir mín Sigurbjörg er í heimsókn hjá vinkonu sinni í Þýskalandi og er þetta mynd af þeim, Sigurbjörg til hægri, Eva vinkona til vinstri og kærasti hennar í miðið. Smellið á myndina til að stækka hana.

AMMA

Amma mín Kristjana Árnadóttir hefði orðið hundrað ára í dag

hefði hún lifað, hún var fædd 21.sept. 1907 í Saltvík í

Reykjahverfi, hún giftist 15.ág. 1926 Hallgrími Óla Guðmundssyni

bónda í Grímshúsum í Aðaldal sem var f. 29.sept 1897 og

hefði því orðið hundrað og tíu ára um næstu helgi.

Hallgrímur afi lést langt um aldur fram 1954, amma bjó

síðan alla tíð í Grímshúsum eða þangað til hún lést 11.sept 1987,

þau amma og afi eignuðust sex börn, 1. Eysteinn f.1929, d.1990

bóndi í Grímshúsum, 2. Sigurbjörg móðir mín f.1931 húsfreyja

í Húsabakka í Aðaldal var gift Helga Ingólfssyni bónda þar

er lést 1993, og eignuðust þau sjö börn, 3. Guðmundur f.1938

bóndi í Grímshúsum giftur Halldóru Jónsdóttur kennara og

eiga þau þrjú börn, 4. Jónína Þórey f.1941, d.1942, 5. Jónína Árný

f.1943 kennari á Húsavík gift Hreiðar Karlssyni fyrv. kaupf.stj.

þar og eiga þau fjögur börn, 6. Guðrún Helga f.1944 leikskólastjóri

í Reykjavík gift Halldóri Guðmundssyni húsgagnasmið og

eiga þau þrjú börn, niðjar ömmu og afa eru nú sextíu og sjö.

Föðuramma mín hefði orðið hundrað og nítján ára í gær hefði

hún lifað, og er við hæfi að ég skrifi smá pistil um hana að ári.

ORÐTAK

Gott er það sem Guð og menn gefa, en best er þó að taka hjá sjálfum sér.

BRANDARI

Afhverju eru ljósku brandarar svona stuttir, svar: svo karlmenn skilji þá.

GAMAN Í LAS VEGAS

Maður einn heimsótti Las Vegas og gleymdi sér algjörlega í allri dýrð

spilavítanna og gjálífsins þar. Morgunn einn vaknaði hann í ókunnugu

rúmi með ljótustu konu sem hann hafði séð, við hlið sér. Hann

laumaði sér í fötin og setti 20 dollara seðil á náttborðið. Þegar

hann var að læðast út fann hann að það var togað í fót hans. Önnur

álíka ljót kona lá á gólfinu. Hún brosti og sagði:

- Fær brúðarmærin ekkert?

OF FALLEG

Mér finnst hún svo sem ágæt, ég verð nú bara að segja eins og er, mér finnst nú bloggvinkonurnar mínar líta mun betur út heldur hún Demi, svo ég tali nú ekki um strákana.

Demi Moore segist vera of falleg til að fá kvikmyndahlutverk

BRANDARI

Tveir gamlingjar, maður og kona, sitja í ruggustólunum sínum á elliheimilinu."Ég þori að veðja við þig um að þú getur ekki giskað á hve gamall ég er," segir hann."Og ég veðja við þig um að það geti ég," svarar hún."Jæja," svarar hann, "ég veðja við þig 5000 krónum að þú getur ekki giskað á það.""Allt í lagi," svarar hún, "ég tek veðmálinu.""Stattu upp."Hann stendur upp og hún virðir hann vandlega fyrir sér, frá toppi til táar."Og snúðu þér nú við," segir hún og virðir hann jafn vandlega fyrir sér og áður."Snúðu þér nú við aftur … og taktu niður um þig buxurnar," segir hún.Hann gerir það og hún virðir hann fyrir sér frá toppi til táar."Þú ert 86 ára gamall," segir hún svo.Hann verður alveg orðlaus."Ja, hver fjandinn, kona, það er rétt hjá þér, ég er 86 ára gamall. Hvernig fórstu að því að sjá það út?"Hún ruggar sér í stólnum og glottir:"Þú sagðir mér það sjálfur í gær!"

TIL UMHUGSUNAR

Öll mál hafa jafnan tvær hliðar, og ekki væri ljós án myrkurs. Hræsnin hefur ansi oft verið fylgifiskur trúmálanna og er svo enn þann dag í dag. Og enn í dag er verið að framkvæma myrkraverk í nafni trúarinnar, vítt og breitt um heiminn.