Draumsvipur aftekins manns

Einhverntíma fyrir löngu hafði valdsmaður, er Jón hét,

dæmt mann til dauða fyrir einhverja sök, er á hann var

borin og hann gat ekki hrundið af sér, svo gilt væri tekið.

Var dómnum fullnægt á ákveðnum degi. Nóttina næstu á

eftir dreymdi valdsmanninn, að hinn aftekni maður kom

á gluggann hjá rekkju hans og kvað vísu þessa:

 

                        Dómari’ Jón! Þú dæmdir mig.

                        Dómurinn þinn var skæður.

                        Dómarinn mun dæma þig,

                        sem dómunum öllum ræður.