Hreystiverk

Gamall maður gerði ekki mikið úr nútíma íþróttamönnum. Sagði

hann þá ekki myndu hafa roð við þeim mönnum, sem hér hefðu

lifað á síðustu öld. ,,Það voru karlar, sem létu ekki deigan síga’’,

sagði hann.

Aðspurður hvort hann hefði tiltæk dæmi til að sanna fullyrðingu

sína, sagðist hann þekkja slíkt, það hefði verið formaður úr sínu

þorpi, þegar hann var unglingur, sem hefði lent í skipreika að

vetrarlagi. Hann hefði misst í nauðlendingu þrjá háseta í sjóinn,

en sjálfum hefði honum verið bjargað á land lærbrotnum og nær

dauða en lífi af kali. Hefði það ráð verið tekið af björgunarmönnum

að hátta formanninn ofan í rúm, og láta vel feita heimasætu berhátta

sig og ylja honum heilan sólarhring. Tókst að koma hita í formanninn,

en alúð heimasætunnar bar ávöxt, því að níu mánuðum síðar ól hún

efnilegt barn. ,,Fáir mundu leika það eftir honum, lærbrotnum og

skaðkölnum’’, sagði gamli maðurinn að síðustu.

 

Athugasemdir

[Ásdís Sigurðardóttir, 7.4.2007 kl. 23:39]

Ef allir í skóginum væru vinir þá væri lífið gott, en það er bara ekki þannig. sorry

[Ásthildur Cesil Þórðardóttir, 8.4.2007 kl. 23:00]

Mikið djö................... hefur hann verið harður af sér.... nema hann hafi látið stúlkukindina um allt erfiðið

[Ásdís Sigurðardóttir, 8.4.2007 kl. 23:35]

fatta ekki alveg kommentið hjá mér hér fyrir ofan jú heyrðu nú man ég, var að svara kommenti frá þér á minni síðu. Takk fyrir skemmtilegar sögur, menn voru bara harðari af sér hérna áður