Vorvísur

                

                    Eftir gjólu orra-þing

                    út á hól er veisla,

                    börn á róli hlaupa í hring,

                    hlæja  í sólargeisla.

 

                    Sunnanvindur syngur ljóð,

                    sólskinsmyndir tekur,

                    þúsund linda unaðsóð

                    upp um rinda vekur.

Athugasemdir

[Ásdís Sigurðardóttir, 21.4.2007 kl. 01:08]

Manst þú nokkuð eftir gömlum kalli sem gekk alltaf með stráhatt og hét Jónas Hagan? hann keyrði Þ-2 hjá KÞ og átti sjálfur Þ-1 citroen.Ég er viss um að pabbi þinn þekkti hann vel.

[Hallgrímur Óli Helgason, 21.4.2007 kl. 11:34]

jú Ásdís ég man vel eftir Jónasi Hagan, horfði oft á bílinn þegar hann fór framhjá bænum heima, ætlaði alltaf að keyra svona bíla þegar ég yrði stór, pabbi þekkti hann vel, ég var mikll númeramaður og mundi mikið af númerum í sýslunni og að sjálfsögðu var alltaf Þ-1 og Þ-2  fyrst er við strákarnir fórum í spurningaleik um bílnúmer.