Vísa

Á alþingi árið 1889 var fremur róstusamt. Voru þar samankomnir

margir af helstu hugsjónagæðingum þjóðarinnar, einmitt þegar

,,Valtýskan’’ átti að gera innreið sína í landið. Á þeim árum voru

nokkrir af þingmönnum hagorðir og sumir jafnvel bestu skáld.

Urðu þá í hnippingunum til nokkrar vísur, heppilega hugsaðar

og gerðar, og er þessi ein af þeim.

 

                                 ,,Ísfirðingar monta mest

                                 og miða allt við Skúla,

                                 en Þingeyingar þæfa best,

                                 og þar er Jón í Múla.’’

Athugasemdir

[Ásdís Sigurðardóttir, 21.4.2007 kl. 17:47]

Takk fyrir söguna af afa Jónasi Hagan, það vill þannig til að það er fæðingardagur hans í dag, hefði orðið 107 ára. Hann var svo mikill og skemmtilegur karakter, ég lærði mikla landafræði af honum, ferðaðist mikið um landið með honum.

[Hallgrímur Óli Helgason, 21.4.2007 kl. 19:01]

já skemmtileg tilviljun að það skyldi vera afmælisdagur hans í dag ég tók bara ekki eftir því þegar ég sendi þér söguna, svo sé ég líka að móðir þín hefur átt afmæli í gær.