ÓMAR

Flottur hann Ómar, manni finnst maður vera búinn að þekkja hann frá því maður var krakki, yndislegur maður, endilega styrkja hann svo hann geti klárað þessar heimildarmyndir sína, það sem hann er búinn að sýna okkur undanfarinn tugi ára er gott efni, efa ekki að þetta sem á eftir að koma sé ekki síðra.

Ómar Ragnarsson fær milljónir

SNÆFELL-KEFLAVÍK

Var aldrei spurning, Snæfell tók þetta strax föstum tökum og Keflavík náði aldrei í hælana á þeim.

Snæfell burstaði Keflavík 91:69

ELDGOSIÐ KOMIÐ Á ÚRSKÍFU

Það má ýmislegt gera til að græða á gosinu, hugmyndaríkur þessi úrsmiður.

Eldgosið komið á úrskífu

KÖTLUGOS

Mér finnst alveg eðlilegt að það sé rætt um þetta, svo sé hægt að undirbúa sig fyrir Kötlugos, ef af því yrði, ferðamannastraumurinn minkar ekkert við þetta, hann bara eykst, menn vilja kannske þegja og gera ekki neitt eins og þegar bankarnir hrundu.

Lýsa undrun á yfirlýsingu forsetans

NÝTT ELDGOSASKEIÐ AÐ HEFJAST

Það er nú ekki gott, ef við þurfum að búa við þetta næstu sextíu árin.

Nýtt eldgosaskeið að hefjast?

NIÐJATAL

Nýtt niðjatal langafa míns Guðmundar Guðnasonar f.1.5.1870 bónda í Grímshúsum, tengill hér vinstra megin á síðunni.

NIÐJATAL

Hef nú uppfært niðjatal Bergvins Þórðarsonar bónda í Húsabakka og Brekku í Aðaldal, það telur nú hjá mér 697 niðja, er tengill hér vinstra meginn á síðunni.

NIÐJATAL

Ný uppfært niðjatal Indriða Kristjánssonar langafa míns og konu hans Dýrleifar Guðmundsdóttur, hér vinstra megin á síðunnu, það telur nú 1185 niðja.

GAMALT OG GOTT

Árni  Gíslason var fæddur 1788 og varð úti á Reykjaheiði 1802, aðeins 13 ára gamall, sonur Gísla Arngrímssonar bónda í Skörðum. Var hann ásamt öðrum manni á leið úr Kelduhverfi inn yfir Reykjaheiði til Reykjahverfis með fjárrekstur, seint um haustið. Brast á iðulaus stórhríð er þeir félagar voru komnir inn fyrir miðja heiði. Árni varð til, þar sem síðan heitir Árnahvammur, en Jón félagi hans þar skammt frá við nípu á Höfuðreiðarmúla, er síðan heitir Jónsnípa. Bylur þessi  var talinn galdrabylur, og af völdum Vigfúsar prests í Garði í Kelduhverfi, en hann hafði haustið áður lent í hörkurifrildi við föður Árna, Gísla Arngrímsson. Voru orðaleppar þeirra víðfrægir. M.a. mælti Vigfús prestur: ,,Kom ég í Skörð og fékk úldna blöndu að drekka.‘‘ ,,Og var hún ekki fullgóð í andskotann á þér, til að míga henni undir,‘‘ ansaði Gísli. Meðan stórhríðarbylurinn stóð yfir er sögn, að séra Vigfús gengi um gólf í baðstofuhúsi sínu og tautaði eitthvað ákaft fyrir munni sér. Heyrðu menn þessa setningu m.a.: ,,Skyldi þeim ekki vera farið að kólna á kjúkunum gemlingunum hans Gísla míns í Skörðum.‘‘

 

 

Þessi saga er tekinn úr Árbók Þingeyinga frá 1964, hana ritar Jón Þór Buch bóndi á Einarsstöðum í Reykjahverfi, sagan heitir, Brotabrot um Gísla í Skörðum, og er þetta aðeins brot úr þeirri sögu.

NIÐJATAL

Nýuppfært niðjatal langalangafa míns Jóns Einarssonar og konu hans Steinunnar Jónsdóttur, það telur nú hjá mér 870 niðja, ekki hef ég nú alla niðja þeirra þar sem eflaust margir eru í Brasilíu og Kanada, Jón yngri flutti til Brasilíu ásamt föður sínum 1863, Jón yngri giftist þar og átti börn, en Jón eldri lést þar 1866, Einar, Baldvin og Sigurbjörn fluttu til Kanada og eiga fjölda afkomenda þar sem ég hef ekki nema að litlum hluta, þessir niðjar eru aðallega út frá Elínborgu langömmu, eða 685 niðjar.