SÍÐUSTU ÁR JÓNS FORSETA

Sökum þess að Jón var manna örastur á fé en tekjurnar litlar, safnaði hann all miklum skuldum svo að nokkrum árum áður en stjórnarskráin kom, lá honum við gjaldþroti. Þá var bókavörður í Cambrigde á Englandi, Eiríkur Magnússon ágætur drengur og fornvinur Jóns Sigurðssonar. Eiríkur vissi vel um aðstæður vinar síns og vildi bjarga honum með því að selja eða veðsetja allt hið ágæta bókasafn Jóns. En það tókst ekki, en þá vildi svo vel til að enskur auðmaður vinur Eiríks lagði fram úr sínum vasa 27.000 kr., til að gjalda með skuldir forseta. Að nafni til var kallað að bókasafnið væri veðsett þessum manni til þess að Jón fengist til að þiggja féð. Nokkrum árum síðar, þegar Alþingi hafði fengið löggjafarvald veitti það 25.000 kr., til að kaupa aftur bóka og handritasafn forsetans að honum látnum, safn þetta var ágætlega gott. Handritin ein voru 5.000 kr. virði og mörg þeirra fágæt og dýrmæt. Jón hafði alltaf verið heilsugóður mest allan hluta ævinnar, en um 1870 fór hann að finna til gigtar í hægri handlegg og átti örðugt með að skrifa um tíma, og eftir það var hann alltaf nokkuð veill. Síðasta árið var hann alltaf þungt haldinn, en hafði þó oftast ráð og rænu þangað til hann dó.

Niðjatal Maríu og Ingólfs í Húsabakka

Var að laga villu í niðjatali afa og ömmu, ábending frá frænku minni Margréti Hinriksdóttur, endilega sendið mér athugasemdir ef þið sjáið eitthvað sem betur má fara. kv. Halli


Niðjatal

Nýuppfært niðjatal langalangafa míns Guðmundar Jóhannessonar f.1800, d.1872, bónda á Grýtu í Höfðahverfi 1837-1851 og Svertingsstöðum í Eyjafirði 1851-1863 og konu hans Önnu Ásmundsdóttir f.1810, d.1862, þau hjón eignuðust 9 börn og telja niðjar þeirra hjá mér nú 3190, faðir Guðmundar var Jóhannes Árnason bóndi á Grenivík 1809-1844 og Grýtubakka til 1860, faðir Önnu var Ásmundur Pálsson bóndi, smiður og meðhjálpari á Gautsstöðum á Svalbarðsströnd.

Niðjatal

Nýuppfært niðjatal langalangafa míns Kristjáns Hallssonar f.1817, d.1917, sem var bóndi á Laugarhóli í Reykjadal 1845-1854 og Ystahvammsgerði í Aðaldal 1859-1863, flutti einn til Kanada 1889 þá 72 ára gamall, talinn hafa átt barn þar, en ekki hef ég fundið heimildir fyrir því, hann lést 1917 þá orðin 100 ára, niðjar hans telja nú hjá mér 2966, þó vantar mig mikið úr Kanada þar sem dóttir hans Guðrún flutti til Kanada 1890 og sonur hennar Eiður átti 9 börn í Kanada sem ég er með skráð, og eflaust margir komnir út af þeim börnum hans, það verður að bíða betri tíma að hafa upp á þeim, kona Kristjáns og langalangamma mín var Rósa Indriðadóttir f.1814, d.1895, þau hjón áttu níu börn og skiftast niðjar þeirra þannig, Gunnar f.1841, 275 niðjar, Hallfríður f.1844, 747 niðjar, Indriði f.1847, 1223 niðjar, Guðrún f.1850, 178 niðjar, Friðfinnur f.1853, 238 niðjar, Jóhannes f.1854, 61 niðjar, Ólöf f.1856, 138 niðjar og Sigríður f.1859, 105 niðjar.

Niðjatal

Nýuppfært niðjatal langalangafa míns Þórðar Jóhannessonar f.1812, d.1894 bónda í Presthvammi 1848-1852 og Hrauni 1854-1864 og konu hans Rósu Jónsdóttur f.1810, d.1883, þau eignuðust fimm börn, niðjar þeirra eru skráðir hjá mér 981, faðir Þórðar var Jóhannes Þorsteinsson bóndi á Geiteyjarströnd í Mývatnssveit, niðjar frá Jóhannesi hjá mér skráðir eru nú 5714, kona Jóhannesar og móðir Þórðar var Guðrún Þórðardóttir, faðir Rósu var Jón yngri Einarsson bóndi á Hamri í Laxárdal 1803-1842 og kona hans og móðir Rósu var Bergþóra Guðmundsdóttir, niðjar Jóns Einarssonar hjá mér skráðir eru nú 1958.

Niðjatal

Nýuppfært niðjatal langalangafa míns Kristjáns Jenssonar f.1839, d.1911, bónda í Fossseli í Reykjadal 1873-1903 og konu Kristjönu Árnadóttur f.1844, d.1927 húsfreyju í Fossseli, telur það nú hjá mér 847 niðja, endilega sendið mér skilaboð ef eitthvað finnst í þessu niðjatali sem betur mætti fara, Fosssel er fyrir sunnan Vað og fór í eyði að ég held 1938, Hólmgeir Björnsson bóndi á Hjalla í Reykjadal frá 1938, bjó í Fossseli 1916-1938.

Niðjatal

Nýuppfært niðjatal langalangafa míns Þorláks Jónssonar f.1841, d.1914 bónda í Torfunesi og konu hans Þuríður Benjamínsdóttur f.1832, d.1909, það telur nú hjá mér 273 niðja, þau hjónin áttu sjö börn, afkomendur aðeins frá þremur.

Niðjatal

Nýuppfært niðjatal langalangafa míns Jónasar Davíðssonar bónda á Bringu í Eyjafirði, hann var fæddur 1837, d.1920,  samkvæmt mínum bókum telur það nú 505 niðja, langalangamma mín og kona Jónasar var Halldóra Sigríður Stefánsdóttir f.1844, d.1895, og voru þau Jónas systkynabörn.

Niðjatal

Nýuppfært niðjatal Guðna Jónssonar langalangafa míns, f.1837, d.1927, Guðni var bóndi í Hlíðarhaga 1861-1863, Sýrnesi 1873-1889 og Grímshúsum 1889-1901, eftirsóttur verkmaður, áhlaupamaður til vinnubragða og lá flest verklegt í augum uppi, laginn við smíðar, laginn á hesti, ör og bráðlyndur nokkuð og þó lundgóður.

Niðjatal Ingólfs og Maríu í Húsabakka

Setti inn nýtt niðjatal Ingólfs og Maríu í Húsabakka, tengill vinstra megin á síðunni, held að það sé rétt hjá mér, en þeir sem skoða þetta sendi mér athugasemd ef það vantar eitthvað, eða vitlaust skráð. 

 

kv. Halli


ÓMAR

Flottur hann Ómar, manni finnst maður vera búinn að þekkja hann frá því maður var krakki, yndislegur maður, endilega styrkja hann svo hann geti klárað þessar heimildarmyndir sína, það sem hann er búinn að sýna okkur undanfarinn tugi ára er gott efni, efa ekki að þetta sem á eftir að koma sé ekki síðra.
mbl.is Ómar Ragnarsson fær milljónir
Tilkynna um óviðeigandi tengingu við frétt

ÍBV-FRAM

Góðir eyjamenn, gaman að þeir skuli vera efstir í deildinni eftir að þeim var ekki spáð góðu gengi
mbl.is ÍBV á toppinn eftir sigur á Fram
Tilkynna um óviðeigandi tengingu við frétt

SNÆFELL-KEFLAVÍK

Var aldrei spurning, Snæfell tók þetta strax föstum tökum og Keflavík náði aldrei í hælana á þeim.
mbl.is Snæfell burstaði Keflavík 91:69
Tilkynna um óviðeigandi tengingu við frétt

ELDGOSIÐ KOMIÐ Á ÚRSKÍFU

Það má ýmislegt gera til að græða á gosinu, hugmyndaríkur þessi úrsmiður.
mbl.is Eldgosið komið á úrskífu
Tilkynna um óviðeigandi tengingu við frétt

KÖTLUGOS

Mér finnst alveg eðlilegt að það sé rætt um þetta, svo sé hægt að undirbúa sig fyrir Kötlugos, ef af því yrði, ferðamannastraumurinn minkar ekkert við þetta, hann bara eykst, menn vilja kannske þegja og gera ekki neitt eins og þegar bankarnir hrundu.
mbl.is Lýsa undrun á yfirlýsingu forsetans
Tilkynna um óviðeigandi tengingu við frétt

NÝTT ELDGOSASKEIÐ AÐ HEFJAST

Það er nú ekki gott, ef við þurfum að búa við þetta næstu sextíu árin.
mbl.is Nýtt eldgosaskeið að hefjast?
Tilkynna um óviðeigandi tengingu við frétt

NIÐJATAL

Nýtt niðjatal langafa míns Guðmundar Guðnasonar f.1.5.1870 bónda í Grímshúsum, tengill hér vinstra megin á síðunni.

NIÐJATAL

Hef nú uppfært niðjatal Bergvins Þórðarsonar bónda í Húsabakka og Brekku í Aðaldal, það telur nú hjá mér 697 niðja, er tengill hér vinstra meginn á síðunni.

NIÐJATAL

Ný uppfært niðjatal Indriða Kristjánssonar langafa míns og konu hans Dýrleifar Guðmundsdóttur, hér vinstra megin á síðunnu, það telur nú 1185 niðja.

GAMALT OG GOTT

Árni  Gíslason var fæddur 1788 og varð úti á Reykjaheiði 1802, aðeins 13 ára gamall, sonur Gísla Arngrímssonar bónda í Skörðum. Var hann ásamt öðrum manni á leið úr Kelduhverfi inn yfir Reykjaheiði til Reykjahverfis með fjárrekstur, seint um haustið. Brast á iðulaus stórhríð er þeir félagar voru komnir inn fyrir miðja heiði. Árni varð til, þar sem síðan heitir Árnahvammur, en Jón félagi hans þar skammt frá við nípu á Höfuðreiðarmúla, er síðan heitir Jónsnípa. Bylur þessi  var talinn galdrabylur, og af völdum Vigfúsar prests í Garði í Kelduhverfi, en hann hafði haustið áður lent í hörkurifrildi við föður Árna, Gísla Arngrímsson. Voru orðaleppar þeirra víðfrægir. M.a. mælti Vigfús prestur: ,,Kom ég í Skörð og fékk úldna blöndu að drekka.‘‘ ,,Og var hún ekki fullgóð í andskotann á þér, til að míga henni undir,‘‘ ansaði Gísli. Meðan stórhríðarbylurinn stóð yfir er sögn, að séra Vigfús gengi um gólf í baðstofuhúsi sínu og tautaði eitthvað ákaft fyrir munni sér. Heyrðu menn þessa setningu m.a.: ,,Skyldi þeim ekki vera farið að kólna á kjúkunum gemlingunum hans Gísla míns í Skörðum.‘‘

 

 

Þessi saga er tekinn úr Árbók Þingeyinga frá 1964, hana ritar Jón Þór Buch bóndi á Einarsstöðum í Reykjahverfi, sagan heitir, Brotabrot um Gísla í Skörðum, og er þetta aðeins brot úr þeirri sögu.


Næsta síða »

Höfundur

Hallgrímur Óli Helgason
Hallgrímur Óli Helgason

fæddur á Húsavík 24.3.1960, uppalin í Húsabakka í Aðaldal til 1980, síðan átt heima í Bolungarvík að undanskyldum sex mánuðum sem ég átti heima á Húsavík 2003-2004, netfangið mitt er sigurbjorgh@simnet.is og hallioli@visir.is

 

280 dagar til jóla

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 9
  • Frá upphafi: 0

Annað

  • Innlit í dag: 0
  • Innlit sl. viku: 7
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband